Të paktën 20 të vdekur pas zjarrit në portin e Qingdaos

Të paktën 20 persona kanë humbur jetën dhe pesë të
tjerë janë plagosur pasi një zjarr shpërtheu në bordin e një anijeje në portin
lindor kinez të Qingdaos. Dymbëdhjetë persona u evakuuan nga anija “Ocean
Melody”, me flamur të Liberisë, ndërsa pesë të tjerë rezultojnë ende të
zhdukur, teksa ekipet e shpëtimit vijojnë kërkimet. Anija po riparohej nga
kompania Beihai Shipbuilding dhe autoritetet kanë nisur një hetim për të
përcaktuar shkakun e zjarrit vdekjeprurës.