⁣Numri i viktimave nga tërmeti në Indonezi rritet, vijojnë kërkimet

Ekipet e shpëtimit në Indonezinë lindore po kërkojnë në
ndërtesat e shembura pas një tërmeti të fuqishëm që ka shkaktuar të paktën 68
viktima dhe mbi 200 të plagosur. Mijëra banorë janë evakuuar dhe shumë prej
tyre po qëndrojnë në tenda, pasi kanë frikë të rikthehen në shtëpitë e tyre për
shkak të pasgoditjeve. Autoritetet thanë se në provincën Nusa Tenggara Lindore
janë regjistruar rreth 1,600 pasgoditje, ndërsa të hënën u regjistrua edhe një
tërmet me magnitudë 5.6. Fatkeqësia ka shkaktuar gjithashtu rrëshqitje dheu dhe
ka bllokuar rrugët në zona si Sika dhe Mangarai, duke zbehur festimet e Ditës
së Pavarësisë së Indonezisë.