⁣Kreu i OKB-së: Çështja palestineze, thelbësore për paqen në Lindjen e Mesme

Sekretari i Përgjithshëm i Kombeve të Bashkuara,
Antonio Guterres, ka theksuar se çështja palestineze mbetet në qendër të
zhvillimeve në Lindjen e Mesme, duke paralajmëruar se pa një zgjidhje të drejtë
nuk mund të arrihet paqe e qëndrueshme. Gjatë bisedimeve në Kajro me
presidentin egjiptian, Abdel Fattah El-Sisi, Guterres i bëri thirrje
komunitetit ndërkombëtar të përmbushë përgjegjësitë e tij ndaj palestinezëve.
Ai kërkoi gjithashtu përpjekje për t'i dhënë fund shkeljeve që prekin
popullsinë në Rripin e Gazës dhe në Bregun Perëndimor të pushtuar.