⁣BE-ja nuk do të heqë sanksionet ndaj Rusisë deri në përfundimin e luftës në Ukrainë

Bashkimi Evropian
ka rikonfirmuar se sanksionet ndaj Rusisë do të mbeten në fuqi deri në
përfundimin e luftës në Ukrainë, deklaroi zëdhënësja e Komisionit Evropian,
Paula Pinho. Deklarata e saj erdhi pas pyetjeve lidhur me një propozim amerikan
që përfshin blerjen e mundshme të gazit rus si pjesë e një marrëveshjeje të
mundshme paqeje. Brukseli vlerëson se koordinimi i sanksioneve mes BE-së dhe
Shteteve të Bashkuara mund të luajë një rol vendimtar në rritjen e presionit
ndaj Moskës dhe përfundimin e konfliktit.