⁣BE zgjat sanksionet lidhur me Ukrainën

Bashkimi Evropian ka zgjatur me tre
vjet sanksionet lidhur me Ukrainën ndaj më shumë se 3 mijë individëve dhe
subjekteve, duke bërë që masat të qëndrojnë në fuqi deri më 22 shtator 2029. Kufizimet
përfshijnë ndalimin e udhëtimit, ngrirjen e aseteve dhe ndalimin e vënies në
dispozicion të fondeve apo burimeve ekonomike për personat dhe subjektet e
sanksionuara, ndërsa tre individë dhe një subjekt janë hequr nga lista.
Sanksionet u vendosën për herë të parë në vitin 2014 dhe janë zgjeruar ndjeshëm
pas përshkallëzimit të konfliktit Rusi-Ukrainë në shkurt të vitit 2022.