⁣Dy persona shpëtohen nga tuneli hidrocentralor në Nepal pas nëntë ditësh

Dy punëtorë janë shpëtuar të gjallë nga një tunel
hidrocentrali në Nepal, nëntë ditë pasi një shembje masive akulli, shkëmbinjsh
dhe balte shkatërroi luginën e lumit Trishuli, në një zhvillim dramatik për
ekipet e shpëtimit që po kërkojnë në zonën e katastrofës. Fatkeqësia e 26
gushtit ka shkaktuar më shumë se 1,300 viktima dhe ka lënë mbi 5,600 persona të
zhdukur, ndërsa zyrtarët besojnë se qindra punëtorë mund të jenë bllokuar
brenda tuneleve të lidhura me gjashtë projekte hidroenergjetike përgjatë lumit.
Dy të mbijetuarit, u nxorën nga hidrocentrali dhe u dërguan në një spital
ushtarak në Katmandu, duke rritur shpresat se edhe persona të tjerë mund të
gjenden ende të gjallë, ndërsa operacionet e shpëtimit vazhdojnë.