⁣Ekipet e shpëtimit në Nepal kërkojnë qindra persona të bllokuar

Ekipet e shpëtimit në Nepal kanë intensifikuar
përpjekjet për të arritur qindra persona që besohet se kanë mbetur të bllokuar
në tunelet e projekteve hidroenergjetike pas përmbytjeve shkatërruese të javës
së kaluar, me ndihmën edhe të ekspertëve nga Kina dhe India. Përmbytja e
paprecedentë në kufirin Nepal-Tibet, e shkaktuar nga një masë e madhe akulli,
shkëmbinjsh, balte dhe mbetjesh, besohet se mund të jetë nxitur nga shembja e
një akullnaje dhe ka shkaktuar më shumë se 900 viktima, ndërsa rreth 5 mijë
persona rezultojnë ende të zhdukur. Autoritetet nepaleze thonë se prioriteti
kryesor është arritja e rreth 933 punëtorëve që besohet se ndodhen të bllokuar
në 11 projekte hidroenergjetike, ndërsa qindra trupa të pajetë, shumë prej tyre
ende të paidentifikuar, janë varrosur në varre të cekëta për shkak të kushteve
të vështira.