⁣Flavio Bolsonaro përballet me hetim para zgjedhjeve në Brazil

Senatori
brazilian Flavio Bolsonaro po hetohet për korrupsion të dyshuar, pastrim parash
dhe evazion fiskal, në lidhje me financimin e një filmi biografik për babain e
tij, ish-presidentin Zhair Bolsonaro. Hetuesit po shqyrtojnë rreth 12 milionë
dollarë që dyshohet se janë transferuar nga një entitet i lidhur me bankierin
Daniel Vorkaro te një fond i lidhur me Eduardo Bolsonaron, vëllain e Flavios, i
cili jeton në Shtetet e Bashkuara. Hetimi vjen vetëm disa javë para zgjedhjeve
në Brazil dhe mund të shtojë presionin politik mbi Flavio Bolsonaron, një prej
kundërshtarëve kryesorë të presidentit Luiz Inasio Lula da Silva nga krahu i
djathtë.