⁣Hong Kongu burgos tre aktivistë të përkujtimit të Tiananmenit

Një gjykatë në Hong Kong ka dënuar me pesë deri në
shtatë vjet burg tre aktivistë të njohur të përkujtimit të Tiananmenit, sipas
ligjit të sigurisë kombëtare të qytetit. Li Çek-jan, Çou Hang-tung dhe Albert
Ho ishin në paraburgim që nga viti 2021, pasi u ndoqën penalisht për përpjekjet
e tyre për të përkujtuar viktimat e shtypjes së vitit 1989 në sheshin
Tiananmen. Dënimet kanë shkaktuar kritika nga organizatat e të drejtave të
njeriut, qeveritë e huaja dhe Kombet e Bashkuara, mes shqetësimeve për
kufizimin e lirive politike në Hong Kong.