⁣Irani thotë se Ngushtica e Hormuzit do të mbetet e mbyllur

Kryetari i
Parlamentit iranian, Mohamed Bagër Galibaf, tha të martën se Ngushtica e
Hormuzit do të mbetet e mbyllur për trafikun e mallrave derisa Shtetet e
Bashkuara të plotësojnë kërkesat e Teheranit. Ai tha se Irani kërkon që
Uashingtoni të heqë bllokadën detare, të anullojë sanksionet ndaj naftës dhe të
zhbllokojë asetet iraniane të ngrira jashtë vendit. Deklarata e tij erdhi pasi
një predhë e paidentifikuar goditi një anije që po kalonte ngushticën pranë
Omanit, duke dëmtuar dhomën e motorit dhe duke shkaktuar të paktën një viktimë
në ekuipazh. Mbyllja e vazhdueshme e kësaj rruge strategjike po rrit
shqetësimet për furnizimet globale me energji, pasi përmes Hormuzit kalonte
rreth një e pesta e naftës së tregtuar në botë përpara luftës.