⁣Irani u bën thirrje fqinjëve për fqinjësi të mirë

Irani u ka bërë thirrje vendeve fqinje të mos lejojnë
Shtetet e Bashkuara apo Izraelin të përdorin territorin dhe objektet e tyre për
veprime që, sipas Teheranit, mund të kërcënojnë sigurinë rajonale. Zëdhënësi i
Ministrisë së Jashtme, Esmaeil Baghaei, hodhi poshtë gjithashtu pretendimet
amerikane lidhur me largimin e diplomatëve iranianë nga Nju Jorku dhe tha se
përpjekjet e Uashingtonit për izolimin e Iranit kanë dështuar. Baghaei shtoi se
në Iran po diskutohet seriozisht mundësia e largimit nga Traktati për
Mospërhapjen e Armëve Bërthamore, ndërsa tensionet me SHBA-në vazhdojnë.