⁣Këshilli i Evropës paralajmëron kundër politizimit të protestave

Sekretari i Përgjithshëm i Këshillit të Evropës, Alain
Berset, ka reaguar ndaj protestave në disa vende evropiane, përfshirë
Shqipërinë, duke paralajmëruar se zemërimi i qytetarëve nuk duhet të
shndërrohet në një instrument politik. Në një reagim në rrjetet sociale, ai
theksoi shqetësimet për pabarazinë, arsimin, strehimin dhe mungesën e
perspektivës për të ardhmen, ndërsa dënoi dhunën dhe sulmet ndaj pronës
publike. Berset nënvizoi se shqetësimet e protestuesve paqësorë meritojnë
përgjigje konkrete dhe jo vetëm masa të përqendruara te siguria.