⁣Lavrov dhe Rubio diskutojnë Ukrainën dhe lidhjet SHBA-Rusi

Ministri i Jashtëm rus Sergei Lavrov dhe Sekretari
amerikan i Shtetit Marco Rubio u takuan në Nju Jork për të diskutuar
marrëdhëniet dypalëshe, konfliktin në Ukrainë dhe mundësitë për përmirësimin e
lidhjeve diplomatike. Lavrov kërkoi heqjen e pengesave mes Moskës dhe
Uashingtonit, përfshirë çështjet që lidhen me institucionet diplomatike,
bashkëpunimin ekonomik dhe pronat ruse të konfiskuara. Rubio tha se Rusia dhe
Ukraina kanë shfaqur interes për një armëpushim të kufizuar që do të përfshinte
objektivat energjetike dhe eksportet e drithërave, por theksoi se arritja e një
marrëveshjeje të tillë do të jetë e vështirë.