⁣Numri i viktimave nga mbytja e tragetit në Qipro shkon në 12

Numri i viktimave
nga mbytja e tragetit javën e kaluar në brigjet e Qipros veriore është rritur
në 12, ndërsa ekipet e shpëtimit vazhdojnë kërkimet për 16 persona që
rezultojnë ende të zhdukur, pasi anija u përmbys gjatë udhëtimit drejt Turqisë.
Trageti FiloJet po transportonte 259 pasagjerë dhe tetë anëtarë të ekuipazhit
kur filloi të merrte ujë rreth gjashtë kilometra larg bregut të Qipros më 30
gusht, përpara se të përmbysej, duke shkaktuar një operacion të madh
kërkim-shpëtimi me shtatë anije dhe gjashtë avionë. Anijet ushtarake turke
nxorën trupat e dy grave gjatë kërkimeve në ujëra të thella, sipas zyrtarëve.