⁣Numri i viktimave nga zjarri në tragetin në Filipine arrin në 76

Numri i viktimave
nga zjarri në një traget pranë Filipineve është rritur në 76, ndërsa 13 persona
rezultojnë ende të zhdukur, sipas Rojes Bregdetare të Filipineve. Autoritetet
thanë se 43 persona i mbijetuan katastrofës, ndërsa ekipet e shpëtimit vazhdojnë
të nxjerrin trupat dhe hetuesit po shqyrtojnë nëse dështimet në reagimin
emergjent të tragetit kontribuuan në numrin e lartë të viktimave. Anija MV Xhun
Ejstër po transportonte 134 persona kur mori flakë pranë Koronit, në provincën
Palavan, ndërsa kapiteni i zhdukur konsiderohet një figurë kyçe në hetimin në
vazhdim.