⁣Përmbytjet në Nepal shkaktojnë tetë viktima pranë kufirit me Tibetin

Të paktën tetë
persona kanë humbur jetën në Nepal pas reshjeve të dendura të musonit, të cilat
shkaktuan përmbytje të fuqishme dhe rrëshqitje dherash pranë kufirit verior me
Kinën. Mediat shtetërore kineze raportuan gjithashtu “viktima të shumta” pas
një rrëshqitjeje dheu në një qendër tregtare në Tibet, ndërsa autoritetet ende
nuk kanë konfirmuar numrin e viktimave. Zona e thellë malore është përfshirë
nga dëme të mëdha, ndërsa ekipet e shpëtimit vazhdojnë kërkimet dhe
paralajmërojnë për rrezikun e përmbytjeve të tjera.