⁣Programi Botëror i Ushqimit kërkon 210 milionë dollarë për krizën në Kongo

Programi Botëror
i Ushqimit i Kombeve të Bashkuara po kërkon më shumë se 210 milionë dollarë për
gjashtë muajt e ardhshëm, për të vazhduar ndihmën ushqimore dhe operacionet
humanitare në Republikën Demokratike të Kongos, ku shpërthimi i Ebolës po
përkeqëson një krizë tashmë të rëndë humanitare. Sipas agjencisë, epidemia
është përhapur në tetë provinca, ndërsa afro 3.5 milionë persona në zonat e
prekura po përballen me nivele kritike të urisë ose edhe më të rënda. Krahas
shpërndarjes së ushqimeve dhe sigurimit të vakteve të ngrohta për pacientët dhe
familjet e tyre, programi po mbështet transportin e furnizimeve mjekësore,
pajisjeve mbrojtëse dhe materialeve të tjera thelbësore për ndihmën humanitare.