⁣Protesta masive në Francë kundër rritjes së kostos së jetesës

Rreth 410 mijë persona protestuan në të gjithë Francën
në një valë të dytë demonstratash kundër rritjes së kostos së jetesës,
përkeqësimit të kushteve në shkolla dhe politikave qeveritare, ndërsa në Paris
dhe qytete të tjera u raportuan përplasje. Në kryeqytetin francez, rreth 110
mijë persona morën pjesë në tubim, ndërsa zemërimi u shtua pasi policia
ndryshoi në momentin e fundit itinerarin e planifikuar të marshimit,
pavarësisht kundërshtimeve të sindikatave. Në protesta morën pjesë studentë, përfaqësues
sindikatash dhe protestues të Jelekëve të Verdhë, ndërsa autoritetet angazhuan
rreth 70 mijë forca sigurie për të parandaluar përsëritjen e trazirave të
mëparshme.