⁣Rubio synon forcimin e lidhjeve të SHBA-së me Azinë Qendrore

Sekretari
amerikan i Shtetit, Marco Rubio, është takuar me ministrat e jashtëm të pesë
vendeve të Azisë Qendrore gjatë vizitës së tij në Uzbekistan, ndërsa
Uashingtoni synon të forcojë ndikimin në rajon. Takimi përfshiu përfaqësues nga
Uzbekistani, Kazakistani, Kirgistani, Taxhikistani dhe Turkmenistani, me
vëmendje të veçantë ndaj bashkëpunimit ekonomik dhe sigurimit të qasjes në
burimet e mineraleve kritike. Vizita e Rubios, i shoqëruar nga më shumë se 200
drejtues të bizneseve amerikane, pasqyron përpjekjet e administratës Trump për
të zgjeruar angazhimin amerikan në një rajon me rëndësi strategjike, mes
Rusisë, Kinës dhe Iranit.