⁣Rubjo thotë se lufta Rusi-Ukrainë mbetet në një ngërç

Sekretari amerikan i Shtetit, Marko Rubjo, tha se
konflikti Rusi-Ukrainë mbetet në një ngërç, pa perspektiva të qarta për një
zgjidhje të negociuar. Këtë vlerësim e mbështeti edhe zëdhënësi i Kremlinit,
Dmitri Peskov. Moska deklaroi se diplomatët duhet të kërkojnë një marrëveshje
gjithëpërfshirëse, e cila mund të sigurojë paqe të qëndrueshme, në vend të një
zgjidhjeje të pjesshme që lë çështjet kryesore të pazgjidhura. Presidenti
ukrainas, Volodimir Zelenski, hodhi poshtë vlerësimin se kishte një ngërç
diplomatik dhe i kërkoi Uashingtonit të shtojë presionin ekonomik ndaj Rusisë.