⁣SHBA-ja vlerëson në 47 miliardë dollarë koston e luftës me Iranin

Kostoja e vlerësuar e fushatës ushtarake amerikane
kundër Iranit është rritur në të paktën 47 miliardë dollarë, mbi 25 për qind më
shumë se vlerësimi i Pentagonit në muajin korrik, sipas një raporti të
agjencisë së lajmeve Rojtërs. Vlerësimi i fundit përfshin më shumë se 29
miliardë dollarë për zëvendësimin e municioneve të përdorura dhe mbi 6 miliardë
dollarë për zëvendësimin e pajisjeve ushtarake dhe mbulimin e humbjeve,
përfshirë avionët dhe dronët. Vlerësimi paraqet gjithashtu miliarda dollarë
shpenzime për degët e ndryshme të ushtrisë amerikane, por nuk përfshin koston e
dëmeve në bazat ushtarake amerikane në Lindjen e Mesme.