⁣Shefi i OKB-së kërkon fundin e sulmeve në Ukrainë

Sekretari i
Përgjithshëm i OKB-së, Antonio Guterres, ka bërë thirrje për ndalimin e
menjëhershëm të sulmeve në rritje ndaj civilëve dhe infrastrukturës civile në
Ukrainë dhe Rusi. Kombet e Bashkuara thonë se janë të alarmuara nga rritja e
numrit të viktimave civile dhe u bëjnë thirrje të gjitha palëve të ndalojnë
ciklin e përshkallëzimit. Guterres ka kërkuar rikthimin e përpjekjeve
diplomatike për të siguruar një armëpushim të menjëhershëm, të plotë dhe pa
kushte, si hap të parë drejt një paqeje të qëndrueshme.