⁣Venezuelasi qëllohet nga agjenti i ICE në Teksas

Një 28-vjeçar nga Venezuela u qëllua dhe u plagos rëndë
nga një agjent i Shërbimit të Emigracionit dhe Doganave të SHBA-së, ICE, në
Austin të Teksasit, duke nxitur thirrje nga zyrtarët lokalë për një hetim të
pavarur. Wilber Rafael Garces Perez u shtrua në spital në gjendje të rëndë, por
të qëndrueshme, pasi u qëllua në pjesën e sipërme të trupit, ndërsa avokatja e
tij tha se ai po kryente një dërgesë për DoorDash kur ndodhi incidenti.
Kryebashkiaku i Austin-it, Kirk Watson, ka kërkuar përfshirjen e policisë
lokale në hetim, ndërsa autoritetet federale dhe lokale po punojnë për të
përcaktuar rrethanat që çuan në të shtënat.