⁣LUFTË & KONFLIKTE Sulmi rus vret pesë persona në Ukrainë mes përpjekjeve për paqe

Një sulm rus në
qytetin juglindor ukrainas Kamjanske vrau pesë persona dhe plagosi pesë të
tjerë, sipas guvernatorit të rajonit. Sulmi ndodhi ndërsa të dërguarit
amerikanë Stiv Uitkof dhe Xherad Kushner udhëtonin mes Moskës dhe Kievit në
përpjekje për të çuar përpara një plan të propozuar paqeje. Ndërkohë, Agjencia
Ndërkombëtare e Energjisë Atomike raportoi për një armëpushim të veçantë lokal
pranë centralit bërthamor të Zaporizhzhias, i cili do të mundësojë riparimin e
furnizimit të jashtëm me energji elektrike dhe do të ulë rreziqet për sigurinë
bërthamore.