⁣Tramp thotë se Irani refuzon marrëveshjen për t’i dhënë fund luftës

Presidenti amerikan Donald Tramp tha të hënën se
Irani nuk do të pranojë marrëveshjen që ai e konsideron të nevojshme për t’i
dhënë fund luftës mes Uashingtonit dhe Teheranit. Duke folur në Zyrën Ovale,
Tramp tha se Shtetet e Bashkuara po luftojnë për të siguruar që Irani të mos
mund të zotërojë armë bërthamore dhe i bëri thirrje Teheranit të dorëzohet.
Deklaratat erdhën ndërsa marrëveshja e përkohshme e arritur në qershor është
shembur në praktikë, pasi Tramp e shpalli atë të përfunduar në korrik dhe Irani
më pas tha se ishte pezulluar. Me përfundimin e periudhës 60-ditore për
negociimin e një marrëveshjeje më të gjerë dhe pa një përparim diplomatik,
Uashingtoni dhe Teherani mbeten thellësisht të ndarë për programin bërthamor të
Iranit dhe të ardhmen e konfliktit.